Në këto momente dramatike për kombin, vështirë të përmbahen emocionet. Të gjithë presin me ankth një lajm të mirë nga ata që janë vënë në garë me kohën për gjetjen e të mbijetuarve. Shpresa vdes e fundit, por me kalimin e orëve shanset për te bllokuarit nën gërmadha, sa vjen e zvogëlohen. Të rënda jane lajmet për jetët e humbura, të rënda pamjet në televizor, por më të rënda se për këdo tjetër, këto momente janë për ata që luftojnë me vdekjen, duke mos fituar dot gjithmonë: ekipet e shpëtimit, vullnetarët dhe ushtarët që i ndihmojnë. Fotoja e njërit prej tyre, një ushtari që nuk mban lotët përpara tragjedisë që shpaloset në sytë e tij, I ka prekur të gjithë.
Duket se ajo është shkrepur pasi ushtari ka parë dy viktima të tërmetit, të përqafuara nën rrënoja, një pamje kjo që e ka dëshpëruar pamasë!
