Ishte një koncert në Gostivar ai që e riktheu Tunën në skenë pas periudhës së gjatë të izolimit. Por ky event u bë gjithashtu shkas për vëmendjen e shtuar që mori këngëtarja këto ditë. Fotot e saj aty treguan një bark të rrumbullakosur që menjëherë ngjalli hamendësime: Tuna është shtatzënë për herë të dytë?
Ajo vendosi të fliste vetëm tani, pasi lajmi u përhap e u diskutua gjerë e gjatë. Është e vërtetë apo jo?
“Ndihem e privilegjuar që pas këtij izolimi të gjatë individual dhe profesional, @theparkfestival festival më dha mundësinë të riçvirgjërohem në skenë. Gostivar, të faleminderit për këtë eksperiencë të veçantë. Uroj sa më shpejt të shihemi pa maska e pa distanca… PS: A do të ulet apo rritet barku deri atëherë?!… Stay tuned” – ka shkruar ajo. Pra, nuk e mohoi; duket se Tiani do të bëhet shpejt me vëlla ose motër.
