Fituesja e “Festivalit të Këngës” të zhvilluar në mbyllje të vitit 2021 ishte këngëtarja Ronela Hajatit me këngën “Sekreti” .
Ajo ishte në një garë të fortë mes shumë artistësh dhe projektesh të pëlqyera mes tyre në një betejë “kokë më kokë” me këngën “Theje” të Alban Ramosaj. Publiku ishte i ndarë në dy pjesë për të preferuarin e tyre por fituese u shpall Ronela e cila do të përfaqësojë Shqipërinë në Eurovizion 2022.
Edhe pse klikimet në “Youtube” janë të shumta dhe shumë njerëz e kanë mbështetur, nuk kanë munguar komentet negative apo kritikat nga publiku, por edhe nga kolegë të saj, të cilët nuk e kanë suportuar fitoren e Ronelës.
Megjithatë, këngëtarja ka reaguar për herë të parë duke iu përgjigjur kritikave nga artistët e tjerë ndaj këngës së saj fituese të “Festivalit të Këngës”. Përmes një postimi në “Instagram”, ku uron për vitin e ri 2022, Ronela shkruan se dy vitet e fundit kanë qenë nga vitet e saj më të vështirë.
Ajo e vijon shkrimin e saj duke u shprehur se urrejtja nga artistët ndaj një vajze që ka punuar gjithë jetën për artistë të tjerë është e neveritshme dhe diabolike.
“Viti 2020 dhe viti 2021 kane qene nga vitet me te veshtira te jetes sime! Jo se s’kam pasur vite te tjera te keqija, por keto kane qene ato me te veshtirat per t’u fshehur qe cdo gje eshte ok! Dhe jo nga ana financiare, as dashurore po nga nje faktor tjeter qe nuk dua te permend.
Sot dua t’ju uroj shendet e pozitivitet me njeri tjetrin! Sepse nuk e kemi…
Fitorja e festivalit ka qene gjeja me e sakte qe me ka ndodhur ne kete periudhe. Kemi punuar aq shume per kengen “SEKRET” e prape s’jam e kenaqur akoma. Performanca ime eshte per here te pare trending ne Europe si asnjehere. Komentet e shumta nga te huajt jane 95 perqind pozitive. Kontestime? Gjithmone do kete, totalisht normale! Por urrejtje nga artiste per nje vajze qe ka punuar me vite te tera per shume artiste te tjere, per tekste te mrekullueshme, melodi te mire; eshte e neveritshme dhe diabolike. Do thoni kujt i plas? Mua! Mua, qe kam sakrifikuar gjerat me te shtrenjta per t’i pelqyer njerezve! Komentet e keqija kane qene minimale, por te gjitha nga adresa shqiptare. Me falni te gjithe ju “poetet” qe zhargonin e keni te mrekullueshem! Nje artist i vertete e ka zemren e madhe e te bukur, jo te lige! Nje artist i vertete nuk blen as tekste, as muzike, por ulet dhe punon!
Gezuar 2022! Ju dua pafund! Dhe mos harroni: Vetem shendet se te gjitha rregullohen”
