Ditët e fundit kanë dalë dëshmi të ndryshme, të cilat kanë dhënë detaje për sjelljen e Shakirës në vendin e punës. Disa prej tyre e cilësojnë arrogante, teksa theksojnë mungesën e ndjeshmërisë me punëtorët e saj.
E fundit është ajo e Jenni Garcia-s, balerinës që bashkëpunoi me këngëtaren kolumbiane, e cila në një intervistë për kanalin ‘La Saga’ në YouTube ka zbuluar detaje nga sjellja e kolumbianes.
Balerina ishte shumë e prerë dhe këmbënguli se nuk e priste këtë nga një artiste e klasit botëror si Shakira. “Kam bërë 12 shfaqje me të dhe ajo nuk më ka paguar. Do të kisha punuar me të, pa më paguar, por mënyra se si na trajtoi ne valltarët linte shumë për të dëshiruar..”, tha ajo.
Jenni Garcia më pas ka rrëfyer disa nga episodet më të diskutueshme që kishte përjetuar me kolumbianen. "Ajo më nxori nga dhoma e zhveshjes lakuriq".
Shakira, sipas versionit të kërcimtares, nuk tregoi asnjë takt me disa anëtarë të ekipit të saj. "Ajo më nxori nga dhoma ime e zhveshjes dhe unë isha ‘topless’. Ajo gjithashtu hyri në banjën tonë sepse e saj ishte prishur dhe stafi i sigurisë na nxori jashtë. Kur doli ajo nuk as na falënderoi”, tha ai.
Valltarja, pavarësisht gjithçkaje, nuk ka ngurruar ta cilësojë Shakirën si një “artiste të madhe”. Megjithatë, ajo ka pohuar se ka punuar edhe me yje të tjerë të industrisë e muzikës dhe nuk e ka përjetuar kurrë këtë: “Ajo nuk na falënderoi, por vetëm na qortoi dhe na hoqi nga skena. Për shkak të shumë gjerave, kur e takova ballë për ballë, humba respektin për të”.
