Protagonisti i vërtetë i “Dearest” është bashkuar me familjen e tij biologjike. “Dearest” u bë shumë i njohur në Kinë në vitin 2014, film i cili u frymëzua nga historia e vërtetë e një fëmijë të zhdukur dhe një familjeje që e kërkonte.
Fëmija, i cili në momentin e zhdukjes ishte 4 vjeç, tashmë është një i ri 18-vjeçar. Sun dhe gruaja e tij qanin teksa takuan djalin e tyre, i cili tanimë ishte më i gjatë se ata.
Djali i Sunit, Sun Zhuo, u rrëmbye në vitin 2007 dhe asokohe ai ofroi një shpërblim prej 31 milionë dollarë për të gjetur të birin. Ai gjithashtu lejoi që filmi të realizohej, me shpresën se ai mund të ndihmonte në gjetjen e djalit të tij.
Autoritetet e sigurisë publike të provincës Guangdong nisën një kërkim në shkallë të gjerë për të gjetur djalin e Sunit dhe e gjetën së fundmi duke përdorur teknologjinë e njohjes së fytyrës.
Pas takimit me prindërit e tij biologjikë, Sun Joo-joo tha: “Unë u rrita pa e ditur se më kishin rrëmbyer. Dy motrat e mia më të mëdha dhe familja ishin gjithashtu të mirë me mua. I jam mirënjohës prindërve të mi që më kërkojnë për më shumë se 10 vjet. Në fakt, është si të kesh një familje tjetër. Këta janë prindërit e mi, dhe ata (prindërit birësues) janë gjithashtu prindërit e mi.”
