Dy artistët të cilët rrugëtimin e tyre e kanë nisur nga ‘talent show’, këngëtarja e mirënjohur Marsela Çibukaj nga “The Voice” ndërsa Sardi nga “X Factor”, janë bërë bashkë për të sjellë te publiku një projekt të përbashkët muzikor.
Kënga e tyre titullohet “Deti”, një këngë shumë e bukur dhe tejet e veçantë. E në fakt kur artistë të talentuar bëhen bashkë për të sjellë bashkëpunime, suksesi është i padiskushëm.
Për këtë projekt të ri muzikor, Sardi, i cili po ashtu ka shkruar edhe tekstin e këngës, dhe Marsela kanë bashkëpunuar me producentin Eugen Herri, Avaxus Guitars, Ergys Turku, Kejdi Barbullushi, Renato Balla, MateFilms dhe Ela Pera.
Edhe realizimi i videoklipit është një gjetje, e cila i përshtatet më së miri këngës. Edhe pse kanë kaluar vetëm pak orë nga publikimi i këngës, ajo është pritur shumë mirë nga publiku dhe komentet kanë qenë tejet pozitive.
