Gazetarja e njohur Entela Barjamaj ka qenë e ftuar së fundmi në “Ftesë në 5”, ku ka treguar për herë të parë betejën e saj me kancerin e gjirit dhe gjithë përpjekjet që ka bërë për të menaxhuar këtë situatë të vështirë.
“Kam bërë një gabim. Nuk kam punuar me një psikolog”, ka rrëfyer e prekur Entela, teksa ka treguar se ka zgjedhur që kontrollet mjekësore t’i kryejë në Angli, me dëshirën dhe sugjerimin e bashkëshortit të saj.
Më pas, Entela ka vendosur që ndërhyrjen ta bëjë në Shqipëri, me mjekët e spitalit onkologjik.
Gazetarja ka rrëfyer se në asnjë moment nuk ka pranuar ta mënjanojë punën, por paralelisht me të, e ka përballuar më mirë këtë periudhë të vështirë.
