KreuCelebrity

Emina Çunmulaj jep mesazhin motivues: Dikur milja lopët, sot jam në jurinë e “Miss USA”!

Supermodelja shqiptare Emina Çunmulaj  së fundmi ka qenë pjesë e jurisë së “Miss USA 2023”, një nga eventet më të rëndësishme të bukurisë në Amerikë. Një arritje e madhe kjo për një vajzë shqiptare, dhe Emina nuk ka nguruar aspak që lumturinë dhe gëzimin e saj ta ndajë me ndjekësit e saj me anë të postimve që ka bërë në rrjetin e saj social Instagram.

Në një nga postimet, modelja ka dhënë një mesazh motivues për të gjitha vajzat shqiptare, duke i inkurajuar që të mos dorëzohen për ëndrrat e tyre, duke marrë shembullin e saj se si një vajzë nga një vend i vogël, arriti të bëhet pjesë e spektakleve amerikane.

 
 
 
 
 
View this post on Instagram
 
 
 
 
 
 
 
 
 
 
 

A post shared by eminacunmulaj (@eminacunmulaj)

“Jam një vajzë nga një qytet i vogël, një vajzë shqiptare në një fermë të vogël, që milte lopët derisa isha 15 vjeç. Dhe sot jam ulur në jurinë e Miss SHBA. Prandaj e di çfarë? Ëndërro vajzë e vogël, sepse do të të plotësohet edhe ty ëndrra. Po e bëj këtë për vete dhe për çdo vajzë shqiptare”, shprehet modelja.

Emina në jurinë e “Miss USA 2023” ishte përkrah emrave të njohur si,  Patrick Starrr, Nicole Miller, Vivica A. Fox. Lajmin, i cili na bën krenarë të gjithëve, si fillim e ka dhënë faqja zyrtare e kompeticionit në Instagram, ku i ka dedikuar disa fjalë shumë të bukura modeles shqiptare, teksa ka renditur disa prej arritjeve të saj.

 
 
 
 
 
View this post on Instagram
 
 
 
 
 
 
 
 
 
 
 

A post shared by eminacunmulaj (@eminacunmulaj)

“Na ndihmoni të mirëpresim modelen, filantropisten dhe sipërmarrësen Emina Cunmulaj Nazarian në panelin e gjykimit të ‘Miss USA 2023’. Emina Cunmulaj-Nazarian, një supermodele e arrirë shqiptaro-amerikane, u bë e njohur në moshën 15-vjeçare, duke fituar ‘Elite Model Look Yugoslavia’ në vitin 2001.

Ajo bashkëpunoi me ikona të modës si Jean Paul Gaultier, Karl Lagerfeld dhe Dolce & Gabbana, është shfaqur në kopertinat e Vogue, Marie Claire, etj. Që nga viti 2019, Emina ka qenë një figurë e spikatur në Harvard dhe në Universitetin e Miçiganit, duke dhënë leksione për filantropinë.

Ajo themeloi fondacionin “Emina’s Hand Foundation”, shërben si COO dhe anëtare e bordit në Fondacionin ‘Fundjavë Ndryshe’, mbështet edukimin përmes fondacionit ‘Nazarian Family Foundation’, mban një vend në bord në ‘Baptist Health Foundation’, duke promovuar me pasion filantropinë dhe mirëqenien e komunitetit”, thuhej në postimin dedikuar Eminës.

Emina Çunmulaj jep mesazhin motivues: Dikur milja lopët, sot jam

 

Bordo No.64
Nëntor 2023

SHKARKO VERSIONIN PDF