KreuStil Jetese

Ndahet nga jeta në moshën 36-vjeçare aktori i “Game of Thrones”, Darren Kent!

Ndahet nga jeta në moshën 36-vjeçare aktori i “Game of

Ka ndërruar jetë në moshën 36-vjeçare aktori i “Game of Thrones”, Darren Kent.

Vdekja e tij, shkaku i së cilës nuk është bërë i ditur, u njoftua nga agjencia e tij e talenteve Carey Dodd Associatesy, e cila shkroi në Facebook “Me pikëllim të thellë duhet t’ju tregojmë se miku dhe klienti ynë i dashur Darren Kent ka ndërruar jetë.

Mendimet dhe dashuria jonë janë me familjen e tij në këtë kohë të vështirë. Darren nuk ishte vetëm një aktor, regjisor dhe shkrimtar i talentuar, ai ishte me të vërtetë një nga njerëzit më të sjellshëm që kemi takuar ndonjëherë. Ka qenë një privilegj dhe kënaqësi të ishim pjesë e rrugëtimit të tij. RIP shokun tonë”.

Kent ka lindur në Essex dhe, pasi u diplomua nga Italia Conti në 2007, shënoi rolin e tij të parë të aktrimit në filmin horror të vitit 2008, Mirrors, ku luajti Kiefer Sutherland.

Kent luajti Goatherd në një episod të vitit 2014 të “Game of Thrones”, si dhe luajti role të shkurtra në programet televizive “Green Fingers” dhe “Malpractice”. Ai gjithashtu u shfaq në episodet e EastEnders dhe në fillim të këtij viti luajti një kufomë në Dungeons and Dragons: Honor Among Thieves.

Kent vuante nga osteoporoza, artriti dhe një çrregullim i rrallë i lëkurës.

Tags:

Home bordo

Bordo No.64
Nëntor 2023

SHKARKO VERSIONIN PDF