Ylli i "Queen's Gambit", Anya Taylor-Joy u martua me muzikantin Malcolm McRae në një ceremoni luksoze të mbajtur në Venecia këtë fundjavë.
Aktorja e Netflix, 27, e cila gjithashtu ka luajtur në dramat Peaky Blinders dhe Last Night In Soho, u martua para pak më shumë se 150 të ftuarve, përfshirë Cara Delevingne dhe Julia Garner në ceremoni.
Taylor-Joy kishte zgjedhur një fustan me ngjyrë bezhë, ndërkohë Malcolm i cili fitoi famë përballë Hugh Grant në “About A Boy”, u shfaq i veshur me një kostum të zi elegant dhe këmishë të ngjashme.
Në fillim të ditës, bukuroshja bionde u pa në ballkon teksa po bëhej gati për ceremoninë. Veshja e saj në një nuancë bezhë me qëndisje dhe zbukurime ngjasonte me një princeshë, ndërsa kishte vendosur një vello të bardhë të ndritshme.
Anya Taylor-Joy dhe Malcolm McRae janë në një lidhje që nga maji i vitit 2021. Ata kanë arritur të mbajnë një marrëdhënie të shëndetshme pavarësisht se jetojnë në anët e kundërta të Atlantikut. Anya jeton në Londër ndërsa Malcolmi, i cili gjithashtu jeton në SHBA.