Spektakli i humorit “Portokalli” prej pak javësh ka nisur sezoni e ri. Dhe si në çdo sezon lëvizjet e aktorëve janë të zakonshme, sikurse edhe rikthimet në ‘shtëpi’.
Një prej tyre mesa duket është Erdit Asllanaj, i njohur nga të gjithë si ‘drejtori i Portokallisë’, për shkak të suksesit që pati roli i tij disa vite më parë.
Ka qenë Xhemi Shehu, moderatorja e programit të humorit, që ka dhënë lajmin në një farë mënyre, me anë të një psotimi në rrjetin e saj social Instagram.
Ajo ka publikuar një foto ne Erdit Asllanaj dhe me Visjanin, i cili po ashtu është një prurje e re në Portokalli këtë sezon, dhe ka zhvilluar një pyetësor, ku pyet ndjekësit.
“‘New Entry’: Visjani, Doktori, Endriti, O sa mirë që paska ardhur”, dhe pjesa më e madhe e ndjekësve të Xhemit, kanë votuar për opsionin “O sa mirë që paska ardhur”.
Na mbetet të presim të dielën për të parë se si do të vijë pranë publikut këtë herë, ‘drejtori i Portokallisë’.
